Urduñako Udalak bat egin du Orozkoko, Arakaldoko eta Arrankudiaga-Zolloko Udalekin Bizkaiko Foru Aldundiari eskatzeko gizarte zerbitzuen euskal sistema berriaren garapenerako finantziazio nahikoa bermatzea. Lege horri jarraiki, gizarte zerbitzuak eskubide subjektibo eta unibertsala dira; hau da, baldintzak betetzen dituen edonork, dagokion zerbitzua jaso ezean, epaitegietara jo dezake.
Udalek Gizarte Zerbitzuen Legea "aurreratua, modernoa eta zuzena" dela adierazi dute. Hala ere, salatzen dute ez dela nahikoa horretara Aldundiak bideratzen duen dirua eta herri txiki eta hirien arteko desberdintasuna oso handia dela. "Beharrezkoa da gutxienezko gizarte zerbitzuen benetako estimazio bat egitea, eta baliabide ekonomikoak izatea beharrizana duten pertsona guztiei era duin batean zerbitzu hauek eskaini ahal izateko".
Halaber, zailtasun geografikoak direla eta, eskariari gehitu diote gizarte zerbitzuak Laudiorekin koordinatzeko aukera: "bai Laudio, bai gurekin gizarte zerbitzuen gunea partekatzen duten gainerako udalerriak ere gure irizpide honekin ados daude". Gaur egun, adibidez, Orozko, Urduña edo Arakaldo bezalako udalerriek Laudioko anbulatorioan koordinatzen dituzte beraien osasun zerbitzuak. Bestalde, beraien segurtasun publikoa udalerri horretako Ertzaintzaren polizia-etxetik kudeatzen da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
.JPG)