Egileak aitortzen du urduri dagoela, izan ere, "beldurra ematen dit elurra egiteak eta nire lankideek etortzeko aukerarik ez izatea, eurak baitira liburuaren benetako protagonistak".
Eta hala da, testuak jasotzen ditu María Luisa Goikoetxeak lankideei bidalitako hainbat mezu elektroniko. Urduñarrak idatzi zizkien horiek guztiak etxera ospitaletik itzuli bezain pronto, 8 hilabetez bertan egon ostean burmuineko hemorragia baten ondorioz.
Krisialdiak mugikortasuna asko murriztu zion eta orain aulki gurpildunean dago. Hori dela medio, María Luisa ospetsua egin da irisgarritasunaren alde egindako aldarrikapenagatik.
Liburua argitaratzeko ideia bere lehengusina Txarok eman zion, berak ere mezuak jaso zituen-eta.
Besteak laguntzeko
Liburuaren izenburua gordina bada ere -esaldia senarrak esaten dio animatzeko María Luisa triste dagoenean-, egileak argitu du asmoa dela laguntzea antzeko egoeran dagoen jendea, bere bilakaera, gorabeherak eta eboluzioa azaltzen baititu.
Horrez gain, etekinak lortuz gero, urduñarrak Mugarik Gabeko Medikuei emango dizkio. Berez, María Luisak finantzatu du 300 aleko argitalpena.
Kontzertua
Aurkezpenarekin batera kontzertua eskainiko dute Rafa Egiluzek eta Constanza Garzonek.