Herritarrek hautatuko dituzte aurtengo Otxomaioetako ordezkariak

Ainhoa Basarrate Astobiza 2017ko otsailaren 10a
Deskargatu Info Ahotsak :

Maria Barbero izan zen txupinera iaz. Argazkia: aiaraldea.eus

Otsailaren 13an irekiko da proposamenak egiteko epea eta martxoaren 10era arte egongo da zabalik.

Otxomaio Jaietako Batzordeak epe bat zabalduko du Urduñako herritarrek aurkeztu ditzaten haien proposamenak aurtengo jaietako pregoilaria eta txupineroa hautatzeko.

Horretarako mezu bat bidali beharko da zikoina@urduna.com helbidera. Tartea zabalik egongo da otsailaren 13tik martxoaren 10era. Batzordeak jasotako izen guztiak aintzat hartu ondoren hartuko du erabakia eta izendatuko ditu 2017ko jaietako pregoilaria eta txupina jaurtiko duen pertsona.

Batzordeak jaietako ordezkariak aukeratzeko horrelako prozesua martxan jartzen duten lehenengo aldia da honakoa, iaz hiriko elkarteek izan zuten proposamenak egiteko aukera.

Maria Barbero moto gidaria izan zen txupinera 2016an eta Olaran txoko elkartea izendatu zuten pregoilari.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide