Ekainaren 24an egingo dute zikloturismo topaketa

Izar Mendiguren Cosgaya 2017ko ekainaren 8a
Deskargatu Info Ahotsak :

Urtero egiten dituzte topaketak. Irudian, 2015eko txangoa / Aiaraldea.eus

Goiz erdiko irteera eta egun osoko egitaraua aurkeztu du Urduñako Txirrindulari Elkarteak.

Ekainaren 24an izango da Urduñako Txirrindulari Elkarteak urtero antolatzen duen zikloturismo topaketa. Izen-ematea zabalik dago, www.turesultado.es atarian. 

Partaidearen egoeraren araberakoa izango da prezioa. Federatuek, esaterako 20€ ordaindu beharko dituzte, eta federazioaren parte ez direnek 25€. Urduñako elkartekideen inskripzioak, berriz, 15€ balioko ditu. Antolatzaileek adierazi dutenez, egunean bertan ere apuntatu ahalko da, 30 euroren truke. 

Egitaraua
Goizeko 7:30ean egingo dute dortsal banaketa eta gosaria, 8:30 arte. Izan ere, 09:00etan jarriko dira martxan. Irteeraren amaiera 13:30-14:00 inguruan izango da. Hala, 14:30ean ekingo diote herri bazkariari. Alabaina, partaide kopurua mugatu dute: 300 lagunek bazkaldu ahalko dute. Arratsaldean, berriz, opari banaketa eta zozketa egingo dituzte. Informazio gehiago nahi duenak scordunesa.com ataria kontsulta lezake.

Kirola Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide