Hitzarmena sinatu du udalak Trafiko Lurraldeburuarekin, hainbat gestio hirian egitea ahalbidetzeko

Erredakzioa 2017ko ekainaren 13a

Idoia Aginako Arbaiza alkatea eta Esther Martí Jiménez Bikaiko Trafiko Lurraldeburua, akordioa sinatzen. / Urduñako Udala

Udaletik kudeatuko dira aurrerantzean zirkulatzeko baimenaren edota gidabaimenaren helbide aldaketa eta ibilgailuen behin betiko baja, besteak beste.

Akordioa sinatu du Urduñako Udalak Bizkaiko Trafiko Lurraldeburuarekin. Udaletik jakinarazi dutenez, hitzarmen horrek ahalbidetuko du trafikoarekin erlazionatutako hainbat afera udalean bertan kudeatu ahal izatea. Trafiko zuzendaritzaren erregistroetara sartzeko aukera izango du Udalaren Ogasun Arloak horretarako.

Zirkulatzeko baimenaren edota gidabaimenaren helbide aldaketa eta ibilgailuen behin betiko baja izango dira aurrerantzean Bilbora joan gabe bideratu ahalko diren kontuetako batzuk. “Hori ere onuragarria izango da Trakzio Mekanikodun Ibilgailuen gaineko Zerga kudeatzeko, ibilgailuen errolda etengabe berrituko delako”, azaldu dute udaletik, eta gaineratu dute ordaindu gabeko ordainagiriak telematikoki komunikatuko zaizkiola Trafiko Zuzendaritzari.

Politika Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide