German Urruelak jasoko du Zilarrezko Perretxikoa bihar

Erredakzioa 2017ko ekainaren 14a
Deskargatu Info Ahotsak :

Zilarrezko Perretxikoa, artxibo irudi batean.

Bizkaiko Odol Emaileen Elkartean 19 urtetan eginiko lanaren errekonozimendu gisa emango diote saria.

Zilarrezko Perretxikoa jasoko du bihar German Urruela urduñarrak, Turismo Bulegoan 12:30ean egingo den ekitaldian. Olaran elkarteak banatzen du sari hori urtero. Aurten Urruelari ematea erabaki dute, Bizkaiko Odol Emaileen Elkarteko kide gisa Urduñan azken 19 urteetan eginiko lana aitortzeko.

Azoka igandean
Iganderako, aldiz, San Juan azoka antolatu dute Olaraneko kideek. Udaletik adierazi dute hori dela “Bizkaian egiten den urteroko feria-merkaturik zaharrena”, eta jakinarazi dute aurten laugarrenez egingo duela bat Euskadiko Txaroles ganadu txapelketarekin. Egingo dira baita beste ekintza batzuk: euskal zaldien erakustaldia, artisautza, agroekologia eta bidezko merkataritza postuak, suarekin eginiko ferraketa eta umeentzako pottoka ibilaldia, besteak beste. Herri bazakariarekin amaituko da feria, 15:00etan.

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide