Udako denboraldia hasi baino lehen hainbat hobekuntza lan egin du udalak Urduñako igerilekuetan. Besteak beste, eguraldiaren eraginez apurtuta zeuden baldosa guztiak ordezkatu dituzte.
Aisialdi gune horretako baldosen ia % 50 berritu behar izan dute. Igerileku txikikoen juntura ere sendotu behar izan dute. Horretaz gain, espazioa hobetzeko hainbat konponketa eta hobekuntza lan burutu du Urduñako Udalak udaberrian zehar. Besteak beste, tabernen inguruan toldoa instalatu dute eta barra konpondu dute.
Azken hilabete hauetan ere ohiko mantenu lanak egin dituzte, lorazaintzari zein urari eta igerilekuen mekanismoei dagokionez. Guztira 25.781 euro gastatu ditu udalak horretan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.