Antzinako Jaiak ospatuko dituzte ostiralean eta larunbatean

Erredakzioa 2017ko irailaren 6a
Deskargatu Info Ahotsak :

Gastronomiak, umeentzako ekintzek eta musikak hartuko dute auzoa.

Ostiralean hasiko dira ospakizunak 13:00etan mezarekin eta amaitu bezain laster hamaiketakoa egingo dute.

17:30ean txupina jaurtiko dute eta 18:30ean umeentzako jokoen txanda helduko da; ohikoak ez ezik, bizikleta ere baliatuko dute haurrek ondo pasa dezaten.

19:00etan nagusiek pintxo-potea izango dute eta 20:00etan txokolatea jaten den bitartean, buruhandiak arituko dira. Bukatzeko Ra DJak musika jarriko du.

Larunbata

Jaien bigarren eguna gastronomiak abiatuko du tipuladun patata-tortillare txapelketarekin. 13:00etan tortillak aurkeztuko dituzte eta 14:00etan dastatzeko unea izango da.

18:00etan mozorro-lehiaketa egongo da eta sariak banatuko dituzte. 19:30 apar jaiari ekingo diote eta 21:00etan afaria eskainiko dute. Jaia DJ Raren eskutik amaituko da.

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide