Termitak ez dira mehatxu Urduñan, udalaren aburuz

Aimar Gutierrez Bidarte 2017ko abenduaren 1a
Deskargatu Info Ahotsak :

Ikerketaren emaitzak herritar ororentzako eskuragarri daude Urduñako Udaletxean. / Urduñako Udala

Termiten presentziaren inguruko ikerketa burutu dute Urduñako eraikin eta etxebizitzetan. Emaitzak aurkeztu dituzte, eta termitak arazo larria ez direla ondorioztatu da.

Termiten izurriteari buruzko ikerketa plazaratu du Urduñako udalak. Ikerketaren emaitzek termitek mehatxurik ez dakartela ondorioztatu dute.

Hiru hilabetez luzatu da etxez etxeko ikerketa. Urduñako eraikin eta etxebizitza gehienak izan dira aztertuak. Eraikin bakan batzuk kaltetu dituzte termiten izurriteek. Gaurtik aurrera herritarrek zabalik daukate udaletxean ikerketaren txostena jaso eta euren etxebizitzen inguruko informazio zehatza jasotzeko aukera. 

Termiten presentziaz gain onddo, ziza eta hezetasunak ere ikertu dituzte. Orokorrean, problematika nagusi den eraikin bakanak hutsak eta zaharkituak dira.

Azaroaren 30ean burutu zuen udalak batzar informatiboa auzokideekin eta positiboki baloratu dituzte emaitzak.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide