Gai organikoko 15.490 kilo konpostatu dituzte

Erredakzioa 2018ko urtarrilaren 4a
Deskargatu Info Ahotsak :

Komunitate konposta egiteko jardunaldia antolatu dituzte hirian. / Aiaraldea.eus

Urduñako 261 familiek parte hartzen dute gai organikoa jasotzeko programan eta 2017an, bere lehenengo urtean, 15.490 kilo birziklatu dituzte.

2016ko azaroan 10 edukiontzi jarri zituzten Urduñan organikoa biltzeko, marroi kolorekoak, hain zuzen.

Gai organikoa birziklatzeko programan 261 familiak eman zuten izena. Horietako 24k erabiltzen dituzte 2 komunitate konpostagailuak (Trasantiagokoa eta Gernika plazakoa) eta beste 90ek lorategietan edo baratzetan daukate euren konpostagailu pribatua.

Lortutako ongarria baliatzen da lorategietan edota lursail publikoetan. Parte hartzeko parada dago oraindik eta horretarako udal bulegoetara jo daiteke (Zaharra, 2). Bertan eskuratu daitezke birziklatzeko tresnak.

Gaikako datuak
Urduñan 2017ak hurrengo datuak utzi ditu gaikako bilketan:

  • Plastikoko 58.410 kilo.
  • Papera eta kartoia 104.433 kilo.
  • Beira 103.548 kilo.
  • Errefuxa 1.128.190 kilo.
  • Pilak 22 kilo.
  • Hondakin handiak (altzariak, besteak beste) 24.039 kilo.

Ingurumena Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide