Aste honetan aurkeztu dute Orduña: la menphis de Bizkaia dokumentala. Gaztelerazko ikus-entzunezkoak Musikaren Astean grabatutako irudiak ditu ardatz.
Aspaldikoa da Urduña eta musikagintzaren arteko lotura. Horren adierazle dira hiriak jaso eta hazi dituen musika talde andana. Jaietatik harago, urtean zehar ere makina bat kontzertu antolatzen dituzte tabernetan edota kalean.
Bitxikeri gisa, duela hainbat urte abiatu zuen Liborio Kolektiboak Musika Astea. Bertan, poteo musikalak eta hainbat emanaldi eskaintzen dituzte, jam sessionekin batera. Roberto Cuestak dokumentala ekoitzi du Urduñako esperientzia irudietan laburtuta:
2.000 ikustaldi, 4 egunetan Hilaren 21ean jarri zuen sarean ikusgai lana, eta dagoeneko ia 2.000 aldiz ikusi da. Hortaz, bistakoa da Cuestaren sorkuntza lanak izandako harrera ona.
Musikaren Astea, ordea, ez da Urduñak duen ekimen berezi bakarra. Urtero, Koroatze Jaien baitan, Urdufolk festibalaren bidez hurbiltzen dituzte eskualdera folk doinuak.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
