Governors, Disaster Now eta Akerbeltzek girotuko dute XX. Gazte Eguna
Erredakzioa
2018ko mar. 13a, 22:10
Martxoaren 24an izango da zita. Foru plazan egingo dira ekintza gehienak.
Aurten bi harmakada betetzen ditu Urduñako Gazte Asanbladak. Hori ospatzeko Gazte Eguna egingo dute martxoaren 24an, “Hogei urtez begira izar honen distira!” lemapean.
Egun osoko egitaraua prestatu dute. Foru plaza izango da jaiaren epizentroa. Goizean bertan egingo dira umeentzako jolasak, graffiti lehiaketa edota bazkaria. Mugalde eta Lupardika tabernetan eskuratu daitezke bazkarirako tiketak, 10 euroren truke -kamiseta emango dute opari-.
Osterabe talde akustikoak girotuko du bazkalostea, eta jarraian ekingo zaio arratsaldeko txanpari: Basati kirolak, txokolatada eta buruhandiak egongo dira. 19:30ean parrilladak hartuko du lekukoa, eta handik ordubetera abiatuko da kalejira, ekitaldiarekin amaituko dena.
Gauean metal doinuek hartuko dute foru plaza, Disaster Now eta Governors taldeen eskutik. Akerbeltz erromeriak joko du gero, jaia goizeko ordu txikiak arte luzatu nahi dutenentzat.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
.jpg)
