aiaraldea.eus

Javier Alcalde Dalai Lamaren kidea izan da Urduñan

Erabiltzailearen aurpegia Izar Mendiguren Cosgaya   Osasuna  Urduña

Martxoaren erdialdean eskaini zuen "kontzientziaren aktibazioari" buruzko hitzaldia Alondegian.

Javier Alcalde Dalai Lamaren kidea izan da Urduñan
Alondegian eskaini zuen hitzaldia / Maite Garcia | Ikusi handiago | Argazki originala

Maite Garcia iriologoak gutun bidez helarazi dio hedabideari hitzaldiaren muina. "Javier Alcalde (Lama Shanaan) gai da pertsonak begiratuz euren bizitzak irakurtzeko. 6 urte zituela ohartu ziren senideak zuen gaitasunaz. Handik gutxira Tibeteko mojek baieztatuzuten lama baten ondorengoa zela. Familiari umearen gaitasunak garatzen jakitea gomendatu zioten, etorkizunean, gainontzekoei lagun ziezaien", azaldu du urduñarrak oharrean. 

Hala, 11 urterekin eraman zuten Tibetera Alcalde, eta bertan izendatu zuten Lama Shanaan. "35 urtez egon zen monastegi eta unibertsitateetan, Dalai Lamaren ondorengoen taldearen parte bihurtuz". Garciaren esanetan, begirune handia dio osasungintza sektoreak Alcalderi, aktiboki parte hartu baitu zenbait ikerketetan urrun egon denean ere.

Urduñan ikastaroa jarri du martxan, "gaixotzen gaituzten ohiturak aldatzeko". Haurren kasuan, oinarriak sendotzen aritzen da, euren ikasketa prozesuan lagunduz, "begiak benduatuta irakurtzen erakusteraino". 

Martxoaren 13an eskaini zuen hitzaldia Alondegian, aretoa jendez beteta zegoela. Dena den, Garciak baieztatu duenez, ez da bere aurreneko ez azkeneko bisita izan: "Askotan etortzen da hona. Txarlazo igo zuen Urduñara etorri zen lehendabiziko aldian, beraz, ziurrenik, Urduña goitik ikusi duen lehen Lama izango da".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa