Agroekologiaren epizentroa izango da Foru Plaza apirilaren 28an

Erredakzioa 2018ko apirilaren 19a
Deskargatu Info Ahotsak :

Foru plazan egongo dira postuak. / Urduñako Udala

Postuez gain, lorazaintza tailerra, okindegi ibiltaria, talo ekologikoen dastatzea eta musika emanaldiak egongo dira, besteak beste.

Datorren apirilaren 28an -larunbata- Azoka Agroekologikoa egingo da Urduñan. Foru plazan egongo dira postuak. Ez dira soilik elikagaiak salduko, material ekologikoarekin ekoiztutako edota birziklatutako arropak ere eskuratu ahalko baitira. 

10:00etan hasi eta 14:00etan amaituko da feria. Ekintza ugari egingo dira plazan lau ordu horietan: lorazaintza tailerra, okindegi ibiltaria, talo ekologikoen dastatzea eta musika emanaldiak, besteak beste.

Paella ekologikoa
Paella ekologikoa egingo dute baita ere, 14:30ean egingo den bazkarirako. Tiketak egunean bertan eskuratu ahalko dira azokan. Informazio gehiago eskuratzeko feriak@urduna.com helbidera mezu bat bidali daiteke.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide