[BIDEOA] Arrastariako entradillei buruzko bideoa osatu du dantzan.eus webguneak

Erredakzioa 2018ko mai. 14a, 07:19

Dantzan.eus webguneak bideoa ekoiztu du Arrastariako "entradilla" dantzari buruz.

Hurrengo testuarekin osatu dute bideoa:

"Urduñako Antiguako santutegian, Arrastariako herritarrek entradillak dantzatzen dituzte.
Bezperan, maiatzaren 8an, Urduñako herritarrak igotzen dira santutegira eta agurra dantzatzen dute. Egungo eta aurreko txistulariek azaldu dizkigute jaiaren nondik norakoak, Joseba Larrietak (1933) orain dela hamar bat urte eman zion lekukoa Koldo Ulibarriri (1985).

Urduñako txistularia buru dela segizioan igotzen dira Arrastariako agintariak eta herritarrak santutegira. Egun Amurrioko udalaren parte diren Aloria, Artomaña, Delika eta Tertanga herriek osatzen dute Arrastariako bailara.

Meza ondorenean, entradillak dantzatzen dituzte Arrastariako gaztetxoek. Gero, segizioan itzultzen dira denak Urduñara. Bidean, alkateek aginte makilaren trukea egiten dute eta ostatu zaharrera iritsitakoan alkateek herritarrei ohiko diskurtsoa eskaintzen diete. Irudi hauetan jaso dugu Arrastariako herrien senidetza islatzen duen aurtengo jaia. Irudiak: Eire Vila".

Hemen ikusgai bideoa:

Kultura Urduña

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide