Bea Isasi eta Carlos Olabarrieta garaile Arabako 45. Bolatoki Txapelketan

Aimar Gutierrez Bidarte 2018ko maiatzaren 30a
Deskargatu Info Ahotsak :

Lendoñobeitiko bolatokian ebatzi zen igandean Arabako Bolatoki Txapelketako 45. edizioa. Bea Isasi eta Carlos Olabarrieta izan ziren garaile.

Aiaraldeko bolatoki guztiak zeharkatu ditu Arabako Bolatoki Txapelketaren 45. edizioak. 62 partaide baino gehiago aritu dira guztira eta lehia bizia izan da azken eguna arte.

Tertangako tiradaren ostean, Lendoñobeitiko bolatokian erabaki ziren igandean txapelketako irabazleak. Emakumezkoetan Bea Isasi heldu zen faborito finalera. Bertan bolo gutxien bota zituen jokalaria izan bazen ere, gainontzekoak ez ziren gai izan Isasik puntuetan zekarren alde nabaria gainditzeko; eta berak jantzi zuen azkenean txapela. Isasik 766 puntu lortu zituen guztira txapelketan, 2. postuan geratu zen Bego Perezek, aldiz, 759.

Gizonezkoetan lehia biziagoa izan zen. Carlos Olabarrieta izan zen txapelduna Ibon Juarestirekin puntu bakar bateko aldea atera ostean, guztira 839 eta 838 puntu, hurrenez hurren. Carlos Llano, sailkapenean hirugarrena, izan zen igandean bolo gehien bota zituen partaidea, 85 puntu eskuratuz guztira.

Argazkiak: Ricardo Bilbao

Kirola Urduña Lendoñobeiti

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide