aiaraldea.eus

Maite Garcia: "Liburuaren bigarren edizioa ere bukatzen ari da, heriotza gai tabua delako"

Erabiltzailearen aurpegia Izar Mendiguren Cosgaya   Jendartea  Urduña

Maiatzaren hasieran aurkeztu zuten Ekhi, siguiendo tu estrella liburua. Maite Garciak bere semearen heriotza eta dolua gainditzeko egindako gogoetak eta terapiak kontatzen ditu bertan. Hilabete eskasean, agortzear da bigarren edizioa.

Maite Garcia: "Liburuaren bigarren edizioa ere bukatzen ari da, heriotza gai tabua delako"
Maite Garcia, liburua eskutan. / Aiaraldea.eus | Ikusi handiago | Argazki originala

Heriotza da Ekhi, siguiendo tu estrella liburuaren ardatza. Maite Garciak idatzi eta Igor del Barriok atondu zuen liburua. Maiatzaren hasieran aurkeztu zuten heriotza eta dolua ardatz dituen lana. Hilabeteren bueltan bukatzear da bigarren edizioa.

Maite Garcia oso pozik azaldu da emaitzarekin: "Banekien eragina eta arrakasta izango zuela, heriotza normalean ezkutatu egiten baita. Gaia hain da tabua ezen eta jendeari interesatzen baitzaio". Aiaraldea hedabideari aurreratu dionez, aurki sartuko dute labean hirugarren edizioa. "Bildutako diru guztia -egileon irabazi zatia- Indiara bideratuko dugu, eskola eraikitzera". Zentzu horretan, euren aurreikuspenak gainditzen ari direla aitortu du. Liburuak momentu politak itzuli dizkiola dio: "Asko etorri zaizkit hitz egitera haurraren, gurasoen edota nebaren doluaz. Jendea aldatzen hasi da heriotzaren ikuspegia, bizitzari ezberdin begiratzen".

Aurkezpenak
Eskualdean eta hemendik kanpo ere aurkeztuko du liburua Garciak. Asteburuan, esaterako, Madrilen izango da. Ekainaren 29an, berriz, Laudion egongo da, 19:00etan. "Orozkotik, Amurriotik, Aiaratik eta Artziniegatik ere deitu gaituzte, baita Bilboko liburutegitik ere. Jendeari asko gustatzen ari zaio; pertsonen alde gizatiarrean eragiten ari da", erantsi du.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa