Agrokonpostajea, ekonomia zirkularra eta txanpon sozialak izango dituzte hizpide Urduñan

Erredakzioa 2018ko abuztuaren 22a
Deskargatu Info Ahotsak :

Agrokonpostajea izango dute hizpide lehen hitzaldian. / Zarateman

Bi hitzaldi eskainiko dituzte abuztuaren 29an -asteazkena- Urduñako Alondegian, 18:00etatik aurrera. 

Bi hitzaldi antolatu ditu Urduñako Udalak datorren abuztuaren 29rako -asteazkena-, Alondegian. 18:00etan izango da lehena, eta agrokonpostajea izango du hizpide. Hondakinen zati organikoa baserritarrek jasotzean datza agrokonpostajea, “kalitatezko konposta” sortzea helburu. “2020rako udalek hondakinen isurketa erdira murriztu beharko dute, eta horretarako agrokonpostajea bide apropos bat izan daiteke”, azaldu dute hitzaldiaren antolatzaileek.

Hitzaldiak ordubete iraungo du, 19:00etan hasiko baita bigarren solasaldia, ekonomia zirkularra eta txanpon sozialak hizpide izango dituena. Franco Llobera adituak eskainiko du hitzaldia.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide