Txirrindulan gauez aritzeko aukera egongo da Urduñan larunbatean, ibilbide ez lehiakorrean

Erredakzioa 2018ko irailaren 27a
Deskargatu Info Ahotsak :

Gaueko bederatzietan aterako da martxa Foru plazatik. / Aiaraldea.eus

Horrez gain, Kronoeskalada antolatuko du Gualdetxu Mendi Bizikleta Trail Taldeak arratsalderako. Bihar -ostirala- amaituko da izena emateko epea.

Lasterketa bikoitza antolatu du Urduñako Gualdetxu Mendi Bizikleta Trail Taldeak datorren larunbaterako -irailak 29-. Kronoeskala egingo dute 16:00ean, eta gaueko ibilaldia, aldiz, 21:00etan. Biak ala biak Foru Plazatik abiatuko dira.

Kronoeskaladak 4,5 kilometroko luzera izango. Gualdetxuko iturrian amaituko da norgehiagoka. Gaueko ibilaldia, aldiz, ez da lehiakorra izango eta 26 kilometroko ibilbidea izango du.

Ostiral honetan -irailak 28- bukatuko da izena emateko epea. Rockthesport.com webgunean egin daiteke inskripzioa.

Kirola Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide