aiaraldea.eus

CD Orduñak bertan behera utzi ditu asteburuko lagunarteko partidak, futbolari baten heriotzagatik

Erabiltzailearen aurpegia Izar Mendiguren Cosgaya   Kirola  Urduña

Benjamin taldeko jokalaria gaur zendu da. CD Orduñak, Udalak eta Athletic klubak oharra zabaldu dute, babesa eta doluminak adierazteko senideei.

CD Orduñak bertan behera utzi ditu asteburuko lagunarteko partidak, futbolari baten heriotzagatik
CD Orduñako kideek asteburuko garaipena dedikatu zioten gazteari / CD Orduña | Ikusi handiago | Argazki originala

CD Orduñak sare sozialetan eta webgunean jakinarazi duenez, benjamin kategoriako Aaron Martin futbolaria hil da. Iragan astean bihotzekoa izan zuen gazteak, entrenatzen zegoela. Geroztik erietxean egon da, gaur zendu den arte.

Familia eta lagunei babesa emateaz gain, "lutoan" dagoela adierazi du  klubak. "CD Orduñako lehendakari, zuzendaritza, talde tekniko, jokalari eta kolaboratzaileek dolumina helarazi nahi diegu Aaron Martinen etxeko eta gertukoei". Ildo beretik, asteburuko lagunarteko partida guztiak bertan behera utzi dituzte.

C.D. Orduña erabiltzailearen argazkia.

 

Urduñako Udalak ere egin du adierazpena: "Doluminik sentikorrenak adierazi nahi dizkie Udalak Aaron Martinen familiako senide eta lagunei zoritxarreko une gogor hauetan. Halaber, elkartasuna adierazi nahi dio CD Orduña futbol klubari, urduñarrak bertan jokatzen baitzuen. Goian bego".

Arando korrikalari taldearen hitzetan, “oso presente egongo da igandeko krossean urduñako gure korrilakari txikia”. Hala, sendiari doluminik sentikorrena bidali diote.

Eskualdeko futbol taldeen babesa
Inguruko kirol klubetan ere izan du oihartzuna gertaerak. Laudio Futbol Klubak, esaterako, oharrean erantsi du erakundearen babes eta laguntzeko prestutasun osoa. 

Bailaratik harago, Athletic klubak ere izan du elkartasun keinua, komunikazio kanaletan CD Orduña eta futbolarien gertukoei samina adierazita.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa