Musika banden topaketak egingo dira Urduñan datorren azaroaren 17an -larunbata-. Urduñako Santa Zezilia Bandak antolatu du egitasmoa, Urduñako Udalaren babesarekin. Urduñako taldeaz gain beste bi bandek hartuko dute parte topaketan: San Asensioko Musika Bandak (Arabar Errioxa) eta Eskoriatzako Musika Bandak (Gipuzkoa). 100 musikari baino gehiago batuko dira hirian.
Santa Zeziliako kideek azaldu dutenez, hiru banden arteko lotura Jesus Urrutia izan da. “Gure bandako zuzendari gonbidatua izan da duela 15 urtetik hona, eta San Asensioko Bandako zuzendaria ere bada, eta laster Eskoriatzako Bandan ere arituko da".
Egun osoko egitaraua
Goizetik arratsaldera arte luzatuko da topaketa. Eguerdiko hamabietan egingo dute musika banden harrera, Foru plazan. Kalejira egingo dute jarraian, hiriko kaleetan barrena. 13:30ean Foru plazan bilduko dira berriz, bi obra jotzeko. Arratsaldean, aldiz, banden kontzertua egingo dute, 19:30ean. Talde bakoitzak bi pieza aurkeztuko ditu emanaldi horretan.
100 musikari baino gehiago arituko dira hirian, hiru musika bandaren eskutik.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide