9:30etan abiatu dira kirolariak Urduñako Foru Plazatik. Hiru lasterketa egon dira: 42 kilometrotako maratoia, 29 kilometrotako maratoi erdia eta 12 kilometrotako froga herrikoia.
Maratoiko partaideek hirutan igo dute Gorobel mendilerroa, Fraileburutik, Bedarbidetik eta “Paso malotik”. Orotara 2.600 metrotako desnibel positiboari egin behar izan diote aurre. Xabi Lete izan da azkarrena, ibilbide osoa 4 ordu eta 17 minututan osatu baitu. Emakumezkoetan Amaia Larreategi izan da garailea.
Maratoi-erdian lasterka aritu diren kirolariek ere malda handiei egin diete aurre. Fraileburu eta Bedarbidetik igo dira Gorobeleko gailurretara. Victor Amatriain igo da podiumaren lehen postura 29 kilometroak 2 ordu eta 42 minututan egin ostean.
12 kilometrotako frogak altxatu ditu podiumaren posturik gorenera Aiaraldeko korrikalariak, Iñaki Isasi eta Oihana Arratibel izan dira irabazleak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide