Indartsu hasi da Musikaren Astea, hainbat talderen parte hartzearekin

Erredakzioa 2018ko azaroaren 18a

Asteburu honetan egin dute Urduñako Musika Astearen lehen txanpa. Ohiko poteo musikalaz gain, musika banden topaketa egin zuten atzo. San Asensioko Musika Bandak (Arabar Errioxa) eta Eskoriatzako Musika Bandak (Gipuzkoa) hartu zuten parte topaketa horretan, Urduñako Santa Zezilia bandako kideekin batera.

Poteo musikalean, aldiz, hainbat talde entzuteko parada egon da. Ostiralean Carlos Velasco Duo, Peri Flay, Tobaco Road eta Riffs & Chips taldeek jo zuten. Atzo, aldiz, Alex (El Hierro), Bohemian Soul, Asuca Namá, 14 Cuerdas, Gwaya, Music Box eta Eriz & Totum Revolutum taldeek girotu zituzten hiriko tabernak. Gaur eguerdian ere hainbat emanaldiz gozatzeko parada egon da: Lupita, Edu Basterra, Gonzalo Portugal, The Binilo's, La Mara eta Devils taldeak aritu dira poteoan.

Datorren asteburuan gehiago
Datorren ostiral eta larunbatean egingo da Musika Astearen bigarren txanpa. Ostiralean kontzertuak egongo dira Foru plazan, eta Txalainak taldeak joko du Mugalde tabernan (Hertzainak taldearen tributua). Igandean poteoa egingo dute, eta bazkaria egongo da gero gaztetxean. Jam sessiona izango da azken ekintza, arratsaldeko seietan.

Argazkiak: Antonio Muñoz eta Urduñako Udala

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide