aiaraldea.eus

"Urduña Hiria" deituko da museo berria, eta Kultura Etxean kokatuko dute

Erabiltzailearen aurpegia Izar Mendiguren Cosgaya   Kultura  Urduña

Ostegunean egingo dute hurrengo bilera, 19:30ean Kultura Etxean.

"Urduña Hiria" deituko da museo berria, eta Kultura Etxean kokatuko dute
Kultura Etxean kokatuko dute Urduña Hiria museoa. / Aiaraldea.eus | Ikusi handiago | Argazki originala

Elkartea eratuko dute herri museoa kudeatzeko eta udalarekin hitzarmena egitea da asmoa. Era horretan, tokiko erakundearen gain geratuko da mantenua, Kultura Etxea egokitzea baita proposamena. Dagoeneko izena aukeratu dute: Urduña Hiria. "Bileraren arrazoia herri museo baten sortzearen ideia guztion artean lantzea da, gure ustez hirian beharrezkoa den azpiegitura kulturala baita", adierazi du Urduñako Udalak. Kultura Etxean kokatuko dute museoa, eta udaberriarako prest egotea gustatuko litzaieke. 

Xehetasunak aurrerago emango dituzte, baina dagoeneko zenbait bilera egin ditu lantaldeak. Ostegunean izango da hurrengoa, 19:30ean Kultura Etxean. Hala, asanbladan jasoko dituzte herritarren eta eragileen ekarpenak. Elkartearen estatutuen zirriborroa prestatu dute horretarako.

Abenduaren 20an izan zen aurreko bilera, 17 kide elkartu ziren. Bertan aurkeztu zituzten Urduñako diagnostikoa eta proiektuaren helburuak. 

Museoaren helburuak
"Urduña erreferente historiko bat da kultura, monumentu eta paisaiagatik; baina era berean gabezia handiak daude guzti hori balioan jartzeko", azpimarratu dute. Hori dela eta, zenbait helburu jakinarazi dituzte: lanbide esanguratsuen eta elkarteen bilduma pribatuak eskuratzea, Erakusketen Zentroa atontzea helburu hezitzaile eta soziokulturalarekin...

Dagoeneko hasi dira aurreneko bildumak pilatzen, Murias zapatarien tresneria edota Basabe aulkitegiko makinaria kasu. Hala ere, bestelako langintzak ere bildu nahi dituzte. Dena den, proiektua mamitu ahala emango dituzte xehetasunak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa