Lapurreta gertatu da gaur Urduñako pisu batean, 13:00ak aldera. Bizilagunek irekita topatu dute etxebizitzaren atea, apurtuta. Ertzaintzari hots egin diote orduan. “Une horretan mutil bat ikusi dugu etxetik ateratzen. Bizilagun baten etxera joan gara orduan eta atea itxi dugu, polizia itxaroteko”, azaldu du auzokideetako batek. Bere hitzetan, “mutil argal bat da” etxetik atera dena, “txanoa zeukan, eta praka beltzak”.
Etxe guztia desordenatuta
Poliziak bertaratu direnean etxebizitzara sartu dira, baina ez dute inor topatu. “Ez zegoen inor, baina gauza guztiak desordenatuak zeuden”. Auzokideek Aiaraldea hedabideari adierazio diotenez, etxebizitza horretan bizi diren pertsonak kanpoan daude. Gauzak hala, atea konpondu dute eta giltza berria jarri diote. “Badirudi ez dutela baliozko ezer lapurtu”.
Bizilagunek deitu dute Ertzaintza, eta lapurrek ihes egin dute orduan. Etxea desordenatuta topatu dute, baina ez dirudi baliozko ezer hartu dutenik, auzokideen esanetan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide