Asteburuan jokatu zen Espainiako Atletismo Egokituko txapelketa. Guztira, 183 kirolarik hartu zuten parte La Magdalenako zelaian (Santander).
Bertan aritu zen Olaia Gurrutxaga urduñarra, eta bigarren postuan sailkatu zen emakumezkoen junior kategorian. XXII. edizioa izan du Espaniako txapelketak, eta 28 klub aritu dira orotara.
Alabaina, ez da izan Gurrutxagak eskuratutako domina bakarra. 2015etik gaur arte, honako markak hautsi ditu:
- 2015ean, Zafran (Badajoz) zilarrezko domina lortu zuen.
- 2016an, Santanderren (Kantabria) zilarrezko dominarekin etxeratu zen.
- 2017an, Zornotzan (Bizkaia) zilarrezko oroigarria eskuratu zuen.
- 2018an, Zafran, zazpigarren sailkatu zen.
Euskaldunen emaitza onak
Javi Conde klubekoen hitzetan, "jardunaldiaren maila azken urteetako onena izan zen". Basauriko taldeak guztira 12 medaila ekarri zituen Euskal Herrira: 6 urrezko, 2 zilarrezkoak eta 4 brontzezkoa. ANFAS talde nafarrak, berriz, 2 urrezko domina eta zilarrezko bat lortu zituen.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide