aiaraldea.eus

Ainhoa Ruiz de Infante eta Nora Mendizabal eta Laia Salsamendi eta Ainhoa Mendiburu sailkatu dira Emakume Master Cupeko finalerdietara

Erabiltzailearen aurpegia Izar Mendiguren Cosgaya   Kirola  Urduña
Ainhoa Ruiz de Infante eta Nora Mendizabal eta Laia Salsamendi eta Ainhoa Mendiburu sailkatu dira Emakume Master Cupeko finalerdietara

Ekiñe Otaola eta Yaiza Bonillak irabazi egin zuten lagunarteko partida. Txapelketan, berriz, Ainhoa Ruiz de Infantek eta Nora Mendizabalek eta Laia Salsamendik eta Ainhoa Mendiburuk osatutako bikoteek lortu zuten hurrengo faserako sailkapena. Urduñako Mugimendu Feministak koloreztatu zuen Emakume Master Cup lehiaketa.

Atzo izan zen Urduñan Emakume Master Cup txapelketako partida sorta: sei partida eta lagunartekoa. Tartean, Ekiñe Otaola eta Yaiza Bonilla aiaraldearrek hartu zuten parte, nahiz eta lehiatik kanpo aritu. Ana Aguilera eta Janire Arrizabalaga izan zituzten aurkari, eta 18-14 irabazi zituzten lagunarteko partidan. 

Emakume Master Cup-eko emaitzak

Amaia Zarrabeitia eta Irati Ugaldek Ainhoa Ruiz de Infante eta Nora Mendizabal izan zituzten lehen partidan aurrez aurre, baina ezin izan zituzten gailendu: 9-18 galdu zuten. Bigarren norgehiagoka Nagore Aramendik eta Oihana Unanuek irabazi zuten, Amaia Zarrabeitia eta Irati Ugalde 18-03 mendean hartuta. Azken partiduan Ainhoa Ruiz de Infante eta Nora Mendizabal aritu ziren berriro, Nagore Aramendi eta Oihana Unanuerekin nor baino nor. Aurreneko bikotearentzat izan zen garaipena, 18-08 emaitzarekin.

Beraz, Urduñako garaileak Ainhoa Ruiz de Infante eta Nora Mendizabal izan ziren, bi partidak irabazi baitzituzten. Ondorioz, finalerdietara igaroko dira.

Finalerdietarako beste plaza bat jokatu zen atzo Urduñanan. Ane Mendiburuk eta Laia Salsamendik 18-14 irabazi zieten Leire eta Nagore Galeanori. Ondoren, Maddi Unanuek eta Naroa Agirrek 18-16 irabazi zieten Antzuolako ahizpei. Azken partidan taldeko buru sailkatu ziren Salsamendi eta Mendiburu, Maddi Unanue eta Naroa Agirreri 18-6 irabazita. Horri esker finalerdietan Emakume Cup txapelketako finalerdietan egongo dira.

Urduñako Mugimendu Feministak bandera moreekin eta bonboekin animatu zituzten emakume pilotariak. 

Argazkiak: Aiaraldeko Mugimendu Feminista

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa