aiaraldea.eus

Urduñako jaietako kartel irabazleak ikusi nahi?

Erabiltzailearen aurpegia Erredakzioa   Kultura  Urduña
Urduñako jaietako kartel irabazleak ikusi nahi?

Otxomaioetako kartel irabazleen berri eman du gaur goizean Udalak. Monica Alonso Nietoren irudiak ordezkatuko du Urduña hiriko festetan.

Monica Alonso Nieto santurtziarraren lana izan da Otxomaioetako kartel lehiaketako onena. "Ilustrazioa ikasten ari naiz, eta irakasleak txapelketaren berri eman zigun. Jaietan egona naizenez, banekien Bihotza zela pertsonaia nagusiena, baita bere heriotza urtemuga izan dela ere. Urduñarrentzat garrantzitsua delako aukeratu nuen irudi hori eta piloia", adierazi dio irabazleak Aiaraldea Hedabideari. 

500€ jasoko ditu irudiagatik. Gazteen kategoriako irabazlea, aldiz, Ilargi Gomez izan da; eta 100€ eskuratuko ditu lanagatik. 

Bestalde, umeen marrazkiak ere saritu dituzte. 4-9 urte bitartekoen artean Arrate Montejoren lana goraipatu du epaimahaiak, eta 50€ jasoko ditu eskola materialean erabiltzeko. Arrate Alarconek, berriz, 40€ izango ditu bigarren postua lortzeagatik, material akademikoan baliatzeko. 

Argazkiak: Urduñako Udala
Testua: Izar Mendiguren Cosgaya

 

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa