Auzolanean garbitu dute erreka, Bitxobola talde ekologistaren ekimenez

Izar Mendiguren Cosgaya 2019ko martxoaren 26a
Deskargatu Info Ahotsak :

Bitxobola talde ekologistak erreka garbitzeko auzolana egin zuen igandean. 

Urduñako Bitxobola talde ekologistak ibaia garbitzeko auzolana antolatu zuen igandean. URA agentziarekin batera atondu zuten ingurunea. Urduñako Udalak sare sozialetan eskertu du ekimena, baita herritarren parte hartzea ere: "Eskerrik asko! Guztion artean Urduña hobetzen dugu!". Zehazki, Landatas eta Arbieto arteko ur bideko elementuak baztertu zituzten.

Duela hiru urte inguru sortu zuten Bitxobola taldea. Aiaraldea hedabideari adierazi diotenez, ez da izan ibaira jo duten aurreneko aldia: "Urrian beste auzolan bat egin genuen". Horrez gain, bi afari ekologiko antolatu dituzte aurten. 

Argazkiak: Urduñako Udala

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide