Maratoia ez, baina bi trail lasterketa egingo dituzte azaroaren 10ean: 29 eta 18 kilometrokoak.
Larunbatean hasiko da III. Urduñako Mendi Lasterketan parte hartzeko izen-ematea. Azaroaren 10ean izango da zita Urduñan. Aurtengo ekimenaren baitan, bi ibilbide eskainiko dituzte, 18 kilometrokoa eta 29 kilometrokoa. Apuntatzeko internet bidez egongo da aukera, Sportmaniacs webgunearen bidez. "Indarrak aurten bi mendi lasterketetan jarriko ditugu", adierazi du Anartz Gonzalez kideak. Modu horretan nahi dute probaren kalitatea eta korrikalarienganako harremana handitzea, "maratoiko indar guztiak proba motzago batean jarri nahi ditugu, lasterkariak zaintzean".
Maratoia bertan behera Urduñako Mendi Maratoiari dagokionez, bertan behera utzi dute proba, lan arazoengatik antolakuntza taldea txikitu baita. Ekimena aurrera ateratzeko boluntario kopurura iristeko ere zailtasunak aurreikusi dituzte. Hargatik, "min handiz" adierazi dute urte honetan ez dela maratoirik egongo.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
