aiaraldea.eus

Santiago eguna ospatuko dute Txarlazon

Erabiltzailearen aurpegia Izar Mendiguren Cosgaya   Kultura  Urduña

Txarlazo mendiaren tontorrean erromeria egingo dute Urduñan. Mendi taldeak arduraz jokatzeko eskatu du ingurumenari eta Leoiko arauei dagokioenez.

Santiago eguna ospatuko dute Txarlazon
Txarlazon egingo dute festa. / Aiaraldea.eus | Ikusi handiago | Argazki originala

Txarlazo mendi taldeak Ama Birjinaren inguruan ospatuko du Santiago eguna. Ohi bezala, erromeria egingo dute bertan.

9:30ean izango da igoera hitzordua. Hain zuzen, Foru plazan izango da aurreneko zita. Hala, 11:30ean meza egongo da tontorrean. Gainera, txosna jarriko dute Txarlazoko landetan bokata, edari eta musikarekin. 

Antolatzaileen esanetan, Leoiko lurretan izango da ospakizuna. Ondorioz, kanpatzea eta sua egitea debekatuta dagoela gogorarazi dute prentsa oharrean, baita arduraz jokatzeko eskatu ere: "Txarlazo mendi taldeak ez du inolako erantzukizunik hartzen bere gain, aipatutako arauak hausteagatik ipin ditzaketen isunen aurrean".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa