Terreroko jaiak ospatuko dituzte uztailaren 31n

Izar Mendiguren Cosgaya 2019ko uztailaren 19a

Gastronomiak protagonismoa izango du ospakizunetan. / Terreroko Jai Batzordea

Terreroko festak antolatu dituzte bizilagunek. Hilaren 31n izango dira ekintza guztiak.

Makaldian izango dira jarduera guztiak eta Inazio Deunaren omenez ospatuko dituzte jaiak. 10:30ean piztuko dute suziria, eta segidan hasiko da patata tortilla txapelketa. Bien bitartean, bolatokian bola txapelketa egingo dute.

Eguerdian, berriz, meza, umeentzako tailerrak -aurpegi margotzea- eta trikitilariak izango dira nagusi. Horrez gain, luntxa eskainiko dute txosnan.

13:00etan izango da lehiaketa gastronomikoaren sari banaketa. Ez da, ordea, hori izango jaki eskaintza bakarra. Izan ere, 15:00etan herri bazkaria egongo da, 10 euroren truke. Menua aurreratu dute sare sozialetan: paella eta postrea, edaria barne.

Arratsalderako mus txapelketa antolatu dute, eta 18:00etatik aurrera gaztelu puzgarriak eta apar festa. Jai Batzordeak azaldu duenez, Eras de Polanco auzoko Txutxa omenduko dute aurten.

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide