Txakur batek jasandako erasoa salatzeko lekukoen bila daude

Erasoa pairatu zuen txakurra.

Irailaren 1ean edo 2an jaso zuen agresioa txakurrak eta jabeek laguntza eskatu dute erasotzailea identifikatzeko, salaketa jarri nahi baitute.

Lur izeneko txakurrak erasoa jasan zuen irailaren 1ean gauez edo 2an goizez Urduñan. Animaliak etxetik ihes egin zuen eta hurrengo egunean gozokiak eman ohi dizkion herritar batek ikusi zuen. Lagun horrek, itxura txarra zuela ikusita, jabeari jakinarazi zion.

Jabea bere bila joan zen eta sumatu zuen sabela handituta zuela eta zauriak zituela muturrean. Albaitariarengana eraman zuen eta horrek azaldu zion edema zuela birikietan. Ondorioz, arnasa hartzeko arazoak ditu animaliak.

Jabearen susmoa da norbaitek ostikoa eman ziola txakurrari eta Ertzaintzan salaketa egiteko laguntza eskatu du. Norbaitek informazioren bat izanez gero, 634 42 05 79 telefono zenbakira dei dezake.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide