aiaraldea.eus

Ate irekien eguna, Gorobel parapente taldearen abiapuntu

Erabiltzailearen aurpegia Izar Mendiguren Cosgaya   Kirola  Urduña

Larunbatean egingo dute ate irekien jardunaldia, Foru plazan. Hurrengo larunbatean, berriz, topaketa antolatu dute Tertangan.

Ate irekien eguna, Gorobel parapente taldearen abiapuntu
Irailaren 21ean egingo dute aurtengo topaketa. / Aiaraldea.eus | Ikusi handiago | Argazki originala

Gorobel parapente taldeak egun osoko egitaraua prestatu du larunbat honetarako Foru plazan. 12:00etan hasiko da ate irekien jardunaldia.

Sare sozialetan azaldu dutenez, 14:00ak arte informazio gunea izango dute jarrita, photocalla eta guzti. “Parapente topaketari buruzko informazioa egongo da bertan, eta aukera egongo da baita ere irailaren 21eko hegaldietan izena emateko”.

16:00etatik 19:00etara, aldiz, Rondinara mugituko dira kirola ezagutzeko hasierako kontaktua egitera, Urduhegan parapente eskolakoen laguntzarekin.

Hurrengo larunbatean topaketa
Bigarren hitzordu bat ere aurreratu dute: irailaren 21eko topaketa. Ekimen berezia izango da, azaldu dutenez: “Pikaro saria izango dugu mozorrotuta doazen piloto eta laguntzaileentzat”.

Hegaldiak ikusteko aukeraz gain, txosna eta musika ere izango dute. Gwa Ya taldearen kontzertua egongo da 21:30ean, besteak beste.

Gorobel Parapente erabiltzailearen argazkia.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa