Zauritu bat Urduñan gertatutako lan istripuan

Erredakzioa 2019ko urriaren 8a
Deskargatu Info Ahotsak :

Urduñako pabilioi batean gertatu da lan istripua. / @angelmarinta

Osakidetzako helikopteroa bertaratu da eta Gurutzetako ospitalera eraman du zauritua. Orga jasotzaile bat gidatzen zegoen behargina pale bat erori zaionean. 

Lan istripua gertatu da gaur arratsaldean Urduñan, 14:15ak aldera. Ertzaintzak jakinarazi duenez, orga jasotzaile bat gidatzen zegoen langileak izan du ezbeharra, kolpea jaso baitu kamioi batetik paleak deskargatzen ari zela. Antza, paleetako bat erori eta orga desorekatu duelako. Osakidetzako helikopteroa bertaratu da Rondina industriagunera, eta Gurutzetako ospitalera eraman du zauritua.

Albistea eguneratzen joango gara informazio gehiago izan ahala.

Twitter bidez eman dute gertatutakoaren berri:

Ekonomia Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide