"No eres de Orduña si no" Facebook taldea itxi du kudeatzaileak, mehatxuak jaso ostean

Aitor Aspuru Saez 2019ko azaroaren 5a
Deskargatu Info Ahotsak :

Itxita dago Facebook taldea.

Aitor Martinez "No eres de Orduña si no" Facebook taldearen sortzaileak erabaki du, momentuz, orrialdea ixtea, mehatxuak jaso baititu.

"No eres de Orduña si no" Facebook taldea itxita egongo da behin-behinean. Horrela jakinarazi du bere kudeatzailea den Aitor Martinezek.

Urduñarrak azaldu du mehatxuak jaso dituela zenbait argitalpen ezabatzegatik eta, hori dela medio, hausnartu behar duela zein izan behar den taldearen kudeaketa eredua, horrelakorik ez gertatzeko berriro.

7 urte igaro dira taldea sortu zuenetik eta bolada horretan irainak eta mespretxuak ere pairatu dituela adierazi du urduñarrak.

Horregatik guztiagatik, sortzaileak erabaki du Facebook taldea ixtea, konponbidea bilatu bitartean. Martinezek gogoratu du bere aisialdian hartu duela ekimenaren ardura, eta egunero ordu erdi gutxienez baliatzen zuela, Urduña jendearengana hurbiltzeko helburuarekin.

Komunikazioa Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide