Bi aldiz igaroko da Espainiako Itzulia Urduñako mendatetik abuztuaren 25ean

Aitor Aspuru Saez 2019ko abenduaren 18a
Deskargatu Info Ahotsak :

Euskal Herriko Itzuliaren irudia Urduko mendatean. / Aiaraldea.eus

Atzo jakinarazi zuten hori txirrindularitza lasterketako antolatzaileek, Ramiro Gonzalez Arabako Ahaldun Nagusiarekin egindako agerraldian.

Espainiako Itzuliak Urduñako mendatea hartuko du birritan abuztuaren 25ean. Atzo azaldu zuten Javier Guillen probako zuzendariak eta Ramiro Gonzalez Arabako Ahaldun Nagusiak Madrilen egindako prentsaurrekoan.

Berez, Gaubean amaituko da egun horretako etapa eta birritan zeharkatuko du Urduñako mendatea. Araban 3 egunez egongo da ekimena, baina Aiaraldetik egun horretan bakarrik igaroko da.

Lasterketako zuzendariak eta Ramiro Gonzalezek aipatu zuten iazko Euskal Herriko Itzuliaren amaiera hartu dutela erreferente gisa etapa hori antolatzeko.

Kirola Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide