Iaz bertso saioa antolatu ez bazuen ere, Urduñako Gazte Asanbladak indartsu ekin dio aurten emanaldia prestatzeari eta bertsolari bikainak batuko ditu gaur: Alaia Martin, Julio Soto, Jon Maia, Oihana Bartra, Paula Amilburu eta Jokin Uranga, hain zuzen.
Gaztetxean izango da hitzordua 20:00etatik aurrera eta Unai Mendibilek beteko ditu gai-jartzailearen lanak.
Gazte Asanbladak nabarmendu du urte hauetan euskarak plaza berria lortu duela Gaztetxean. Izan ere, udalerrian antolatzen den bertso saio bakarra da hori eta, ondorioz, ezinbesteko erreferentea bihurtu da.
Halaber, antolatzaileek azpimarratu dute euren formularen gakoa dela giro ona sortzen dutela; urteko gaiei umorez eta modu kritikoan erreparatzen dietelako, esaterako.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
