Sutea piztu da gauerdian Urduñako etxebizitza batean. Otxomaio auzoko eraikinetan izan da ezbeharra. Segurtasun Sailaren esanetan, 3:40ean piztu da sua Otxomaio kaleko eraikin batean, eta hiru pisutako etxebizitzetako bizilagunak kanporatu behar izan dituzte.
Pertsona bakarra zauritu da, eskuan erredura batzuk jasan ditu eta. Ondorioz, Gurutzeta erietxera eraman behar izan dute. Kalteei dagokienez, hoditeriei eragin die suak besteak beste, eta ondorioz, eremuan neurriak hartu dituzte segurtasuna bermatu eta egoera kontrolpean izateko. Lekukoek zein Ertzaintzak Aiaraldea hedabideari adierazi diotenez, hainbat larrialdi zerbitzu bertaratu dira. Ertzaintzak ez ditu sutearen arrazoiak argitu oraindik.
Etxebizitza batean sutea piztu dela eta, larrialdi zerbitzuak izan dira bart Urduñan. Informazio gehiago https://t.co/SVMiJncbK3 atarian pic.twitter.com/XCRpZovUnK
— Aiaraldea.eus (@aiaraldea) January 12, 2020