aiaraldea.eus

Etxebizitza batek su hartu du goizaldean Urduñan

Erabiltzailearen aurpegia Erredakzioa   Jendartea  Urduña

Pertsona bat zauritu da sutearen ondorioz. 12 bizilagun atera behar izan dituzte Otxomaio auzoko eraikinetatik. Egoera kontrolpean dago.

Etxebizitza batek su hartu du goizaldean Urduñan
Otxomaioko etxebizitzetan izan da ezbeharra. / Nadia Paz | Ikusi handiago | Argazki originala

Sutea piztu da gauerdian Urduñako etxebizitza batean. Otxomaio auzoko eraikinetan izan da ezbeharra. Segurtasun Sailaren esanetan, 3:40ean piztu da sua Otxomaio kaleko eraikin batean, eta hiru pisutako etxebizitzetako bizilagunak kanporatu behar izan dituzte. 

Pertsona bakarra zauritu da, eskuan erredura batzuk jasan ditu eta. Ondorioz, Gurutzeta erietxera eraman behar izan dute. Kalteei dagokienez, hoditeriei eragin die suak besteak beste, eta ondorioz, eremuan neurriak hartu dituzte segurtasuna bermatu eta egoera kontrolpean izateko. Lekukoek zein Ertzaintzak Aiaraldea hedabideari adierazi diotenez, hainbat larrialdi zerbitzu bertaratu dira. Ertzaintzak ez ditu sutearen arrazoiak argitu oraindik.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa