aiaraldea.eus

Orduña Hiria erakusketa guneko bazkide izateko aukera zabaldu dute

Erabiltzailearen aurpegia Txabi Alvarado Bañares   Kultura  Urduña

Ostiral, larunbat eta igande guztietan dago museoa bisitatzeko aukera. Hemen lortu daiteke informazio gehiago.

Orduña Hiria erakusketa guneko bazkide izateko aukera zabaldu dute
15 aretok osatzen dute erakusketa gunea. / Orduñahiria.org | Ikusi handiago | Argazki originala

Ibilbide motz baina oparoa dauka Orduña Hiria erakusketa guneak. Iazko udaberrian ireki zuten espazioa, hainbat hilabeteetako auzolanaren ostean. Urduñako historiaren parte diren ehunka objektu jarri zituzten ikusgai, hiriko ondarea mantendu eta sustatzea helburu.

Orain, aldiz, bazkide izateko aukera zabaldu dute. Interesdunek 10 euroko kuota ordaindu beharko dute urtero eta, horren truke, hainbat abantailez gozatu ahalko dute: identifikazio txartela, museoa nahi den guztietan bisitatzeko aukera, lehentasuna egiten diren jarduerei buruzko informazio jasotzerako orduan, asanbladan botoa izateko eskubidea  eta ekintza eta argitalpen berezietan deskontu bereziak izatea. Bazkidetzen bidez, hiriko ondarearen “mantentze, ikerkuntza eta zabalpenean” lagundu daitekeela nabarmendu dute espazioko kideek. Gauzak hala, herritar orori luzatu diote “erakusketa gunearen lagun” bilakatzeko gonbita.

Horretarako hemen beheko fitxa bete behar da, eta erakusketa gunean bertan entregatu:

Informazio gehiago nahi izatekotan, Orduña Hiriaren webgunea kontsultatu daiteke.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa