Gazteentzako hiru irteera antolatuko ditu Urduñako Udalak uztailean

Sopuerta Abenturara izango da irteerako bat. / Sppuerta Abentura

Sopuerta Abenturara, Sobronera eta paintballean jokatzera batu ahalko dira 10 eta 16 urte tarteko urduñarrak.

10 eta 16 urte tarteko ume eta gazteentzako irteerak antolatuko ditu Urduñako Udalak datorren hilabetean. Lehenengoa uztailaren 13an izango da. Sopuerta Abenturara joango dira, “piraguekin eta igerilekuekin gozatzeko”. 20an Sobronera joango dira eta, azkenik, uztailaren 27an, paintballean jokatuko dute.

Printzipioz, irteera guztiak goizez izango dira, 10:00etatik 14:00etara. Gazte bakoitzak irteera bakarra hautatu beharko du, baina plazak libre geratzen badira bat baino gehiagotan parte hartu ahalko dute. Ekainaren 24tik uztailaren 5era aman ahalko da izena www.eragintza.eus webgunean. Ezinbestekoa izango da 5 euroko fidantza ematea, plazak zozketa publiko bidez banatuko baitira baldintzak betetzen dituztenen artean.

Behin plazak baieztatuta, bilerak antolatuko dira familiekin, segurtasun protokolo eta neurriak zehazteko. Informazio gehiago behar izatekotan, Udaleko Euskara eta Gazteria arlora (945 383 003) deitu ahalko dute interesdunek.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide