ELIKADURA BURUJABETZA

Agroekologiaren Aldeko Hirien Sareko topaketan egongo da Urduñako Udala

20 bat udalerrik osatzen dute sarea. / Ciudadesagroecologicas.eu

Hemen kontsultatu daiteke ekimenaren programa osoa.

Agroekologiaren Aldeko Hirien Sareak urtero egiten duen topaketan parte hartuko du Urduñako Udalak, urriaren 1etik 3ra. “Esperientziak trukatzeko gune bat” izango dela azaldu du tokiko erakundeak: “osasun-krisiak agerian utzi du elikadurak prebentziorako osasun-estrategia gisa duen garrantzia, baita nekazaritzako elikagaien industria-eredua artatu beharreko lehentasunetako bat dela ere”.

Sarea osatzen duten hogei udaletako ordezkariez gain, beste erakunde batzuetako kideak ere bertaratuko dira Valladolideko zitara: Trantsizio Ekologikorako eta Erronka Demografikorako Ministerioa eta Europako Batzordeko Osasun eta Elikagaien Segurtasunerako Zuzendaritza Nagusia,besteak beste. “Nekazaritza elikagaien ekoizpen iraunkorraren, nekazaritza ekologiko eta familiarraren, elikagaien artisau-lanketaren, abeltzaintza estentsiboaren eta artisau-arrantza jasangarriaren alde” egiten du lan sareak, Urduñako Udalak azaldu duenez. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide