Udaz blai

Mari Carmen Diaz de Lezanak harrera beroa izan zuen ibilbidearen amaieran

Atzo heldu zen Mari Carmen Diaz de Lezana Benidormera eta Villajoyosan harrera izan zuen, Urduñako jendea, besteak beste, baitzegoen bertan itxaroten.

Asteburuan Urduñatik atera eta gero, atzo heldu zen Mari Carmen Diaz de Lezana Benidormera ehunka kilometroko ibilbidea bizikletaz bete ondoren. Alfonso Julian eta Iñaki Hoyos lagunek egin dute bidea berarekin, eta atzo Villajoyosan ongi etorria egin zioten ezagun eta senide talde batek.

77 urterekin erronka bukatuta, Mari Carmenek 2 eguneko atsedenaldia hartuko du Benidormen, eta asteartean Alacanten hegazkina hartuko du hirira itzultzeko, Aiaraldea komunikabideari kontatu dionez.

Uurduñarrak etapa politak eta gogorrak bizi izan ditu: "Albufera ikustea zoragarria izan da eta jende oso jatorra ezagutu dugu leku guztietan, baina Valentziako bidean haizea aurka izan genuen, eta hainbat atsedenaldi egin behar izan genituen, laua izan arren".

Meseta jaistea oso kitzikagarria izan zela azaldu du Diaz de Lezanak, "aldapa izugarriak jaitsi ditugu". Txirrindulariak nabarmendu du bere lagunen ekarpena: "Alfonso Julianek asko alaitu digu bidaia eta Iñaki Hoyosek primeran antolatu du dena”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide