Igerilekuetako tabernan lapurtu dute

Urduñako igerilekuetan kontzertuak eskaintzen dituzte uda garaian. / Urduñako igerilekuak

Lapurreta jazo da Urduñako igerilekuetako tabernan. Jabeek dirua berreskuratzeko dinamika abiatu dute: parapente bidaia baten zozketa.

Duela egun batzuk izan zen lapurreta, Arbietoko igerilekuetan. Urduñako tabernako dirua eraman zuten, jabeek Aiaraldea komunikabideari adierazi diotenez.

Dirua berreskuratzeko zozketa abiatu dute. Zehazki, parapente hegaldia da ekarpena egiten dutenen artean banatuko dutena. "Zozketa abuztuaren 15ean egingo da igerilekuetan bertan. Zorteduna bazara eta ez baduzu hegan egitea gogoko, beste norbaiti oparitu ahalko diozu bidaia", zehaztu dute sare sozialetan, "bezero batek eman zigun ideia, parapente biplazan egiten baititu bidaiak, eta berak proposatu zigun dinamika".

Kontzertu eskaintza

Horrez gain, musika eskaintzarekin jarraituko dute. Hain zuzen, ostegunero antolatzen dituzte musika emanaldiak. Orain arte Sabin Guaresti amurrioarra, Eriz Perez urduñarra eta beste hainbeste talde aritu dira. Bihar, aldiz, Egoitz Uriarte izango da kantuan.

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide