Vueltako etapak publikorik gabe igaroko du Urduñako mendatea urriaren 27an

Aitor Aspuru Saez 2020ko urriaren 6a

Euskal Herriko Itzulia Aiaraldean. / Aiaraldea.eus

Hedabideek jakinarazi dute Eusko Jaurlaritzak eta Vueltako antolakundeak adostu dutela ez dela publikorik egongo Urduñako mendatean lehiaketako etapak errepide hori igarotzen duen bitartean.

Komunikabideek gaur zabaldu dute ez dela publikorik baimenduko euskal mendateetan Vueltan. Hori esan nahi du Arrateko eta Urduñako errepideak hutsik egon beharko direla txirrindulariek zeharkatzen dituzten bitartean.

Antza, hori da Eusko Jaurlaritzak eta lasterketako antolatzaileek adostu dutena, COVID-19 birusaren ondorioz. Berez, Jaurlaritzak ez du uste beste modurik dagoenik urriaren 27an jende pilaketak ekiditeko Urduñako mendateko igoeran.

Albisteak eragina izango du eskualdeako zaleen artean. Izan ere, bestelako probetan aldapa horiek hautatu dituzte lasterketa gertutik jarraitzeko.

Aurten zaleek jasotzen duten bigarren kolpea izango da. Udaberrian lehiatu behar zen Euskal Herriko Itzulian ere Aiaraldeak protagonismo handia izan behar zuen, baina pandemia dela eta, bertan behera geratu zen proba.

Kirola Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide