Tubacexeko langileen aldarrien artean igaro du La Vueltak Aiaraldea

Gaur arratsaldean igaro da La Vuelta Aiaraldetik. Birritan igo dute txirrindulariek Urduñako mendatea, eta Tubacexeko langileek aukera baliatu dute kaleratze eta murrizketen aurkako aldarria zabaltzeko.

Beharginek ez zuten argi buruan zuten ekintza egin ahalko zuten edo ez, Eusko Jaurlaritzak COVID-19aren aurka atzo ezarritako neurri berriak direla eta. Alabaina, azkenean deialdia mantentzea erabaki dute eta ehunka langile bertaratu dira errepidera.

Poliziaren presentzia handia izan da, baina ez da inolako tira birarik egon. Hori bai, langileek uneoro mantendu behar izan dute euren arteko segurtasun distantzia.

Langile Batzordeak oso positiboki baloratu du ekimenak izandako harrera.

24 orduko greba ere deitu du komiteak gaurko, eta deialdi horren jarraipena erabatekoa izan dela nabarmendu du. 

Kirol probari dagokionez, EF Pro Cycling taldeko Michael Woods gailendu da gaurko etapan. Txirrindulariek 160 kilometroko ibilbidea osatu behar izan dute. Urduñatik igaro diren lehen aldian bi multzo handitan banatuta zeuden txirrindulariak, baina gero 30 lasterkarik ihesaldia abiatu dute; eta 5 kirolariko talde bat gailendu da azken kilometrotan. 

Argazkiak: Txabi Alvarado eta Antonio Muñoz

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide