Sei eguzki-farola jarri dituzte Urduñan

Txabi Alvarado Bañares 2020ko azaroaren 2a
Deskargatu Info Ahotsak :

Sei farola jarri dituzte guztira. / Urduñako Udala

18.000 euroko inbertsioa egin dute horretarako. 

Energia berriztagarriak ezartzeko pauso berria egin du Urduñako Udalak. Eguzki-plaken bidez funtzionatzen duten sei farola kokatu ditu tokiko erakundeak hiriko zenbait tokitan. 18.000 euroko inbertsioa egin du farolak erosi, zuloak eta enkofratua egin eta azpiegitura muntatzeko. 

Honakoa ez da energia berriztagarrien alde Urduñan egiten den lehen ekimena. Maiatzean auto elektrikoentzako karga puntuak jarri zituzten Alondegiaren eta bainuetxearen arteko aparkalekuan. Azpiegitura horrek aldi berean bi ibilgailu hornitzeko aukera ematen du. 

Horrez gain, LED motako argiteria jartzen ari da udala. Iaz egin zuten hirugarren eta azken fasea, eta etorkizunean ere horretan sakontzeko asmoa du tokiko erakundeak. 

Ingurumena Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide