Datorren asteburuan egingo da Urduñako Aste Musikalaren 9. edizioa. Hasieran bertan beheran geratu zen ekimena. Izan ere, ezin zen egitarauaren barruko ekintza nagusietako bat -Poteo musikala- egin, taberna eta jatetxeak itxita zeudelako. Gauzak hala, ekimenaren formatua moldatu dute Liborio Kolektiboko kideek, Urduñako Udalarekin elkarlanean.
Eskola publikoko patioan egingo dituzte emanaldiak. Pertsona kopuru mugatua egon ahalko da eta derrigorrezkoa izango da maskara uneoro jantzita eramatea. Kontzertuez gozatu nahi dutenek aurretik eman beharko dute izena, Alondegian.
Ostiralean -abenduak 18- Siroka eta Voltium taldeak igoko dira oholtzara, 18:00etan eta 19:30ean, hurrenez hurren. Larunbatean, aldiz, Sobrino Sobrado eta Gwa Ya taldeek joko dute, ordutegi berdinarekin.
Hainbat estilotako musika taldeak dira, baina denek dute gauza bat komunean: Urduñako musikariez osatuta daudela nagusiki. Gauzak hala, tokikotasun kutsu handia izango du aurtengo aste musikalak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
