Vatikanorako bidea hartu zuen urduñarrak ekainaren erdialdean eta dagoeneko Italian dago bere bi lagunekin, Iñaki Hoyos eta Alfonso Julian.
"15 urte gazteago sentitzen naiz" adierazi dio Mari Carmen Diaz de Lezana txirrindulariak bere senideei. Izan ere, ekainaren 15ean Vatikanora joateko bidea hasi zuenean, ez zekien gai izango ote zen abentura bukatzeko.
Orain, ordea, pozik dago Mari Carmen, ondo eusten baitio eguneroko etapari. "Patxadaz egiten dute, egun osoa hartuta", azaldu du Ainhoa Pikazak, bere alabak. "Egunero abentura da, arrisku politagatik eta jendearen adeitasunagatik", esan die kirolariak senideei.
Orain artekoa, edonola ere, ez da erraza izan. Hasierako ibilbidea aldatu zuten eta Pirinioak paraleloan igaro ordez, iparraldera jo zuten. Frantziako herri txikiak zeharkatu dituzte eta Kostalde Urdineko edertasunarekin txundituta geratu dira gero.
Hala ere, une arriskutsuak bizi izan dituzte, errepide batzuk estuak zirelako, eta trafikoa, handia eta bizia. Antza, orain Italian daudela, bide berde gehiago topatu dituzte.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
