Tubacexeko lan gatazka izango dute hizpide ostiralean Mugaldeko terrazan

Txabi Alvarado Bañares 2021eko uztailaren 8a
Deskargatu Info Ahotsak :

Tubacexeko lan gatazka izango dute hizpide bihar Mugalden. / Tubacexeko langileak

Tubacexeko bi langilek eta Aiaraldeko Greba Batzordeko beste hiruk hartuko dute parte solasaldian. 

Tubacexeko langileek borrokak zeresan handia sortu du azken egunetan, kaleratzeen aurkako sententziak direla eta. 

Hori dela eta, gaiari buruzko hitzaldia egingo dute bihar Urduñako Mugalde herriko tabernaren terrazan, 19:00etan.

Tubacexeko lan gatazkaren "oinarriak eta ondorioak" izango dituzte hizpide solasaldian. Bost pertsonek hartuko dute hitza:

  • Ixone Retes (Tubacexeko LABen sail sindikaleko kidea)
  • Asier Oiarzabal (Tubacexeko langilea)
  • Aitor Merino, Ludi Temiño eta Galder Barbado (Aiaraldeko Greba Batzordeko kideak)

Mugaldkeo terrazan egingo den lehen hitzaldia izango da biharkoa, baina ez bakarra. Hainbat motatako ekintzak egiteko baliatu nahi dute espazioa udan zehar, elkarteko kideek aurreratu dutenez.  

Ekonomia Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide